ИЧӦТИК ПАСТОРЪЯС

* * *
Турун си оз кусыньт тӧв, тылӧн веркӧсыс оз верав. Войыс сэтшӧм, — шы ни тӧв! — весиг сюзьлӧн петіс серам.
* * *
Ыбъяс весьтын вельмӧм турӧб еджыд флагӧн ӧвтчӧ-дурӧ, тадзи тӧв помыд пыр пессьӧ, локтан тулысыдлы сетчӧ.
* * *
Тӧв пом синваӧн оз бӧрд, эз на ӧшйыны йи нёньяс. Кыа чужанін кӧ гӧрд, — сійӧс мичмӧдісны жоньяс.
* * *
Ывла пасьталаыс ном зыньгӧ-бӧрдӧ лёкысь: — Меным воис курыд пом, кодкӧ курччис чукля кокӧс!..
Ӧти арлыдалӧн портрет
Сулалӧ кӧть неуна и ылынджык, тӧдчӧ бура: биысь абу повлӧма... Сылӧн веськыд пельпомыс кӧ вылынджык, — уна во винтовка сійӧ новлӧма.
Нывлы, коді козьналіс дзоридзьяс
Алӧй дзоридз вайин вӧрысь, но зэв сёрӧн... Ме ӧд пӧрысь!
* * *
Мича кывбуръяс кывзӧны паськӧдӧм вомӧн, но кор кывбурыд водзӧ ни бӧрӧ оз син, сэки унмовсьӧм войтырлысь ӧщӧпек помӧн восьтны он вермы дыр кежлӧ пӧдласьӧм син.
Гижӧд
Ичӧтик пасторъяс
Жанр: 

lkejrlkelkrgner klrjnelknfrkl ekjnrjkenfrej

1