ТӦВСЯ ВӦРЫН

Вурун кодь лым ягӧ вольсасис тӧрыт,
жоньлӧн нор сьыланкыв кылыштӧ вӧрын.

Видзӧда, садьмӧ кыдз сёрмӧдчӧм кыа,
кывзыся раминик музыка шыӧ.

Мусаяс, ӧтнаныд колинныд вӧрын,
шонді и, гожӧм и — ставыс нин бӧрын!

Лунвылӧ вешйисны ёртъясныд тіян,
накӧд эн лэбӧй ті, пармалӧн пиян!

Енмӧй видз, кодлыкӧ тіянӧс кыйны,
муслунӧн кедзовтны, лёклунӧн лыйны!

Локтӧй жӧ, майбыръяс, локтӧй жӧ сиктлань,
лэбув и сёянтор тіянлы ликта.

...Нориник сьыланкыв кылыштӧ вӧрын.
Сьӧлӧмӧй жугыльтчӧ пӧсь морӧс шӧрын!