КОДЗУВЪЯС ЙЫЛЫСЬ
Поездын мунігӧн падмылі, бӧрӧ кор коли нин Мадмасӧй быттьӧкӧ миян вагонысь сэтчӧ тшӧтш петіс и шоныд. Пырисны выль пассажиръяс миян плацкарта тшӧтш жырйӧ — пӧрысьяс, зонъяс да нывъяс, быдӧнлӧн кӧлуйтор сывъяс. Тӧдмасьны зэв кокни туяд, поезд кор тэрмасьтӧг уйӧ, кыв бӧрся кыв: — Вот и мӧдім... — Мӧдім тай, — содтыштас мӧд и. Серам да сёрни кор ловзьӧ, чӧвлуныд пырысь-пыр повзьӧ... Мыйлакӧ нывбаба ӧти оз отсав гаж кыны ньӧти, меланьӧ кыйкнитлас гусьӧн, дум вылас быттьӧкӧ усьӧ кытыськӧ аддзывлӧм чужӧм, томдырся вӧлӧк ув вуджӧм... Чӧвусьлы, шуа ме аслым, вом дорӧй эз на кӧть пась ло: Абу-ӧ Оляӧй? — Пӧрысь сералысь аканьяс шӧрын, юрас кӧть дзоридза чышъян, дзор юрси кывзысьтӧг пышйӧ... ...Томӧсь сэк кыкнанным вӧлім, колльӧдім вӧр Мадмас пӧлӧн, пармаӧ водз воӧм тулыс веж эшкын козьналіс мулы. Вежӧрын олӧ, кыдз аттьӧ, Олялӧн еджыдвиж платтьӧ, кыдз пулӧн сэтшӧм жӧ еджыд нылыскӧд ӧтувтчӧм эжыс. — Помнитан?.. — абу зэв гора кыв менсьым воча кыв корӧ. — Помнита... Енэжысь кодзув чуктӧдны коркӧ мӧй позьӧ, дзирдалӧ оз сӧмын войын, — югӧрсӧ пыр сійӧ койӧ. Мед ӧні ог жӧ нин тӧд ме, кыдзи сэк лоин тэ мӧдлӧн... Пӧсь аттьӧ, томдырся Оля, сыысь, мый сьӧлӧмӧ колин! Поездным надзмӧдліс ӧдсӧ, туй кӧть эз вӧв сылы пӧдса, нывбаба веськыд ки сетіс, зэр улӧ поездысь петіс. Колльӧдны сійӧ эз тшӧкты, кӧлуйыс оз пӧ тай сьӧктӧд... Дзирдыштліс сэк синъяс водзын синъясас кык кусӧм кодзув.
Гижӧд
Кодзувъяс йылысь
Жанр: 

lkejrlkelkrgner klrjnelknfrkl ekjnrjkenfrej

1