КЫК МОЙД
Луныс кодыр ямас, воас пемыд вой, кутас вӧлі мамӧ висьтавлыны мойд: «Зарни Тӧлысь кывтӧ, тэ моз жӧ оз узь, карнан кутысь нывлӧн кӧсаыс зэв кузь. Омӧль бать-мам дінысь сійӧ муніс тась, шудсӧ сылы сины некод эз вӧв дась. Нылӧс Тӧлысь босьтіс, шог пиын эз видз, йӧзлы сылысь восьтіс аддзывлытӧм мич...» Тӧлысь вылӧ дзорга, кывза мамлысь мойд, синванад син ворга весьшӧрӧ оз ойд. Менсьым лолӧс дойдіс кывлӧмторйыс дыр... А вот аслам мойдӧй збыльторъясӧн тыр: «Зарни Тӧлысь кывтӧ, шойччыны оз вод. Сылӧн югыд сывйын миян Луноход. Космос туйӧд водзӧ тӧвзьӧ вына морт. Кутны ӧмӧй позьӧ сылысь вына борд! Быдманныд да асьныд шензьӧданныд горт, восьтас тіян дасьлун лыдтӧм дивӧтор». Вежтас сайӧ нёрӧ Мулӧн Тӧлысь чой, синъясӧс нин ёрӧ шонділӧн пӧсь войт.
Гижӧд
Кык мойд
Жанр: 

lkejrlkelkrgner klrjnelknfrkl ekjnrjkenfrej

1