* * *
Помнита ме ичӧтдырся кадӧс: кодыр вӧлі воас кӧдзыд тӧв, белӧг вылӧ, орччӧн ӧти радӧ, тэча аслам ӧшинювса садӧ лэбачьяслы уна сиа пӧв. Веж кӧдзыдысь дзебсьӧм могысь найӧ сиктлань вӧлі сибӧдчӧны пыр, керканымӧс пыкӧм тола сайын гӧлӧсъясныс шогӧн налӧн тыр. Виччысисны мортлысь нянь да шоныд крука ныра уркай да гӧрд жонь... ...Пессис дзугйын, менам белӧг помын, кыа рӧма сарапана жонь; уркайлы эз нюмъёвтлы жӧ козйын асъя часӧ ӧшйӧм югӧр си... Ме эг тӧд, мый мамысь эндӧм позйын тшыгъялӧны сылӧн куим пи. Сэки ачым ачымкӧд эг вензьы, вӧр-ваыслы кодыр вӧчлі шог... Тола пытшкӧ сиа пӧвйӧс менсьым мыйла некод вувзьыны эз лок? Кывзыся, но лымйӧн тӧбӧм эрдысь тӧдса гӧлӧс мыйлакӧ ог кыв... Батьлӧн важӧн киссьӧм жытник бердын ачым вии бордъя сьыланкыв!
Гижӧд
Помнита ме ичӧтдырся кадӧс...
Жанр: 

lkejrlkelkrgner klrjnelknfrkl ekjnrjkenfrej

1