* * *

Лэбӧны Москваӧ рыт и асыв,
панӧны скӧр бушков-тӧвкӧд вен,
самолётӧ пуксясны дас часын,
дас кык часын лоасны нин сэн.

Миян дедъяс чеччасны кӧ гуысь,
нюжӧдасны енэжланьыс ки,
лэбач моз кор сылас асъя руын
налӧн рӧдысь эзысь бордъя пи.

Нэмъяс олім роч войтырысь бокын,
но пыр тӧдлім ёртасьӧмлысь дон.
Эз кӧ веськав орччӧн медбур вокным,
сёйис эськӧ моресайса пон.

Парма весьтӧд шувгысь йирмӧг тӧлыс
пӧльтіс йиа лов шынас зэв дыр...
Рӧдиналӧн ӧти ыджыд сьӧлӧм
ас сьӧлӧмысь дона лоас пыр.