КЫК ТОМЛУН
Зептӧ нянь шӧрӧм ме сюя да и бара пета туйӧ... Ылӧ? Матӧ? Эн, эн юась, кытчӧ менӧ сійӧ нуас! Чужан муным миян паськыд, сывъясьны дась гӧра раскӧд, гулыд ягын оз ков ордым — пожӧм козьналас веж бордъяс, чужан сиктӧ медым волі, кӧні ассьым том кад олі... Муса том кад! Менӧ кылан? Мыйла колин сэтшӧм ылӧ? Бергӧдчыв кӧть лун-мӧд кежлӧ, тэнӧ виччысьӧ тшӧтш Эжва пурйӧн водзӧ бара кывтны сылӧн эзысь морӧс вывті. Сэки збойджыкӧсь на вӧлім медся вильыш тувсов тӧлысь, чер да багыр ворсіс киын пятилетка сӧвман биӧн... Медым гӧгӧр вӧлі тшыгӧм, унджыкысьсӧ узьлім тшыгӧн, сёянторсӧ пинжак зептысь кодыр асывнас на ректан... Но ӧд миян шудыс, шудыс вӧлі ӧти кыпыд уджыс! Завидьтам ми ӧні налы, кодъяс пӧсь кисьтӧны талун. Бордъя войтыр! Мича войтыр! Тіян шудныд кыкнан сой тыр! Тэчӧй, вӧчӧй, лэптӧй, дорӧй ещӧ кыпыдджык на горӧн, медым миян югыд шонді йӧзлы нюмъявны пыр пондас. Зептӧ нянь шӧрӧм ме сюя важ моз петала на туйӧ, водзӧ восьлала да сьыла бордъя йӧзлӧн томлун йылысь.
Гижӧд
Кык томлун
Жанр: 

lkejrlkelkrgner klrjnelknfrkl ekjnrjkenfrej

1