МЕДБӦРЪЯ ПУРЪЯС
Сӧнікӧн доршасис сиктбердса куръя, зумыша ланьтӧдчис мудзыштӧм ю. Лунвылӧ кывтӧны медбӧръя пуръяс — медбӧръя турияс моз... Чужан му колльӧдӧ найӧс оз шонділӧн нюмӧн, на весьтӧд и ӧшкамӧшка оз вудж. Пожӧмлысь кырсьсӧ да кыдз пулысь сюмӧд вевттьӧма сьӧлӧмтӧ вӧрзьӧдысь пуж. Гажтӧмлун юр вемӧс желлялӧ-йирӧ, быттьӧкӧ инмӧдчис сы дінӧ чер... Вывті тай уна нин Эжвалӧн йирыс ньылыштіс яг вылысь лэччӧдӧм кер. Ме, гашкӧ, сыысь тшӧтш мыйтакӧ мыжа, зільлунӧй коръяскӧ лолывліс руш, сыныськӧд орччӧн кор пуклӧсыс пыжын медся пӧсь кадъясӧ кольлывліс куш. Пуръяслы кывтнысӧ колӧ зэв ылӧ, оз ӧти лун да и оз ӧти вой. Мед ӧні сьӧлӧмӧй на вӧсна кылӧ быд дойысь лэчыд да инасьтӧм дой.
Гижӧд
Медбӧръя пуръяс
Жанр: 

lkejrlkelkrgner klrjnelknfrkl ekjnrjkenfrej

1