ЛУНВЫЛЫН ОЛЫСЬ ЁРТЛЫ
Видлыны менӧ кӧть ӧтчыд да волы, кузь туйысь, друганӧй, ёна эн пов, сы вылын сулалӧ ёртасян олӧм — ӧтвылысь джынъявны нянь да и сов. Козьнала тэныд ме войвывса кыа, пармалысь асыв да тувсовъя вой, петкӧдла ассьыным юяс да тыяс, эзысьӧн дзирдалӧ кӧні быд войт. Ӧзтам кӧ бипур, дерт, ылалам дзикӧдз, та вӧсна вештылам стопка да пӧрт... Кодӧс став вынйӧрнас «Вой кыа» сикӧтш Вуктыллӧн ним дінӧ талун оз йӧрт! Ветлам Полярнӧй Урал дорӧдз, другӧй, поезд кӧть тӧвзьӧдлас, кӧть самолёт, став Коми му ловъя биясӧн югыд, шонді оз гожся моз ӧні кӧть сот. Малича пасьталам, кынман кӧ ёна, кӧр куысь пимисьыд нем абу пӧсь. Чумын кӧ лоан тэ — быдӧнысь дона, шахтаӧ волан кыдз медыджыд гӧсть. Волам, ог вунӧдӧй кежавны ыбӧ, мырсьӧны кӧні зіль пиян да ань. Шоглун оз тӧдны, быд шомӧсын лыбӧ кӧтӧм да суктӧм бур пызь вылын нянь, Вӧралысь чӧсмӧдас чериӧн-яйӧн, тӧдмалан комилысь ас пуӧм сур. Петав кӧть сы бӧрын дас море сайӧ, юантор татшӧмыс некысь оз сюр. Аддзылан удж, дерт, и тӧдмалан праздник, сӧмын оз паныдась удзӧдӧм морт. Некодлы гӧрддзасьӧм кияс не разьны, некор бур ёртасьӧм миян оз ор. Дивӧысь дивӧ тэ аддзан, кор локтан, он сӧмын комилысь сёрнисӧ кыв: ыджыд странаысь сё кыв вылын вокъяс сьылӧны Войвывлы выль сьыланкыв. Видлыны менӧ кӧть ӧтчыд да волы, кузь туйысь, друганӧй, ньӧти эн пов... Эз кӧ вӧв му вылас миян кодь олӧм, — некутшӧм мӧд олӧм меным эз ков!
Гижӧд
Лунвылын олысь ёртлы
Жанр: 

lkejrlkelkrgner klrjnelknfrkl ekjnrjkenfrej

1