КОКТӦМ МОРТ
Быдӧн кокаӧсь, А тайӧ коктӧм, Беддясигтыр уличаті локтӧ. Быдӧн нюмъялӧны — А тайӧ зумыш, Донтӧм шутка шыбитны оз думышт. Коркӧ вӧвлі быдӧн кодь жӧ тэрыб, Кужис ворсны пилаӧн и черӧн, Босьтны гӧтырпусӧ вына сойӧн Дзоридзьясӧн ӧвтысь тувсов войӧ. Важӧн тайӧ вӧлі... Вывті важӧн! Ӧні сылӧн кык кӧстыль став гажыс, Кык кӧстыль да пенсионнӧй книжка, Вурысъяс да дойяс коді йиджтіс. Кыдзи ставыс лои — оз и помнит, Эз кӧть вӧв сэк ачыс вывті том нин. Сы вылӧ и лӧсьӧдӧны мина — Кӧинӧс моз мортӧс медым вины. Но эз вины! Сьӧлӧмыс эз сетчы, Шонді сылӧн син улысь эз лэччы, Вӧрлысь шувгӧм, лэбачьяслысь сьылӧм Медводз сійӧ казялӧ да кылӧ. ...Быдӧн кокаӧсь, А тайӧ коктӧм. Беддясигтыр уличаті локтӧ. Кежыштӧй, министръяс, Кежӧй, зонъяс, Сійӧ аслас олӧмнас эз донъясь, Уськӧдчис кор восьса синмӧн биӧ... Копыртчылӧй коктӧм мортлы, пиян!
Гижӧд
Коктӧм морт
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1