ИВАН ЗАРУБИН
ДА СЫЛӦН ЁРТЪЯС ЙЫЛЫСЬ БАЛЛАДА

Найӧ быд вой петалӧны братскӧй гуысь
видзӧдлыны чужан му вылас.
(Йӧз кост сёрниысь.)
1.
Сэн, кӧні югъялӧ Подчерӧм ю, Эм гулыд яг вылын Зэв ыджыд гу. Сус пуяс сыв пытшкӧ Век кежлӧ тан Ланьтӧма удал Зарубин Иван. Вӧрыслӧн шувгӧмыс Шогысла нор: Збой командир дінас Сизимдас ёрт. Петісны найӧ, кор Гымаліс гым, Шуд корсьны сьӧлӧмныс Быдӧнлӧн пым. Тыш биын век кежлӧ Унмовсис тан Аслас отрядкӧд Зарубин Иван. Вӧрыслӧн шувгӧмыс Сійӧн и нор, — Смел командир дінас Сизимдас ёрт...
2.
Сывъялас мусӧ кор Сьӧд войлӧн йир, Кыпӧдчас гусьыс сэк Збой командир. — Видзӧдлӧй, — чукӧстас Другъяссӧ, — ті: Войвывтӧ югдӧдіс Зэв уна би; Сэн, кӧні тшыг пыкис Гӧль коми морт, — Кыланныд? — кыпӧдчӧ Сьыланкыв гор!.. Вештасны гу вылысь Лымлысь кыз вон, Чеччасны-сувтасны Сизимдас зон. Ӧтилӧн ранаыс Морӧсас кык, Мӧдӧс и коймӧдӧс Кырлӧма штык. Татшӧм жӧ вӧлі сэк Йирмӧга вой, Паніс Зарубин кор Медбӧръя бой. Мыйла нӧ кодзулыс Гора эз бӧрд? Кодзувлӧн, шуӧны, Сьӧлӧмыс кӧрт. Гуся да зумыд жӧ Понъяслӧн кытш. Медбӧръя морт уси, Медбӧръя тыш... Вештӧны гу вывсьыс Лымлысь кыз вон, Чеччӧны-сувтӧны Сизимдас зон. — Ас чужан мулань жӧ Дзоргам и ми, Кытчань, Зарубин, тэ Веськӧдін ки. Ой, кутшӧм енэжыс Сы весьтын лӧз! Со кутшӧм быдмӧны Сылӧн выль йӧз! Нуӧд вай на дінӧ, Збой командир! Налы ми козьналім Ассьыным вир.
3.
Кыаыс разӧдӧ Яг весьтысь ру, Медводдза югӧрӧн Киськалӧ му. Сус пуяс сувтісны Сы бердӧ чӧв, Медым эз вильшась сэн Дӧзмӧдчысь тӧв. Шуӧны, бара пӧ Воас кор вой, Садьмас кыз му улын Кувлытӧм дой. Сувтасны усьӧмъяс Сывъявны эрд, Кодӧс лым шебравлӧ, Ловзьӧдӧ зэр. Татшӧм му некытысь, Некор оз сюр... Усьӧм геройяслы Копыртлӧй юр!
Гижӧд
Иван Зарубин да сылӧн ёртъяс йылысь баллада
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1