ИЛЬИЧЛӦН ЛАМПОЧКА
Паметь кудйын видзам Вывті уна Казьтылана Серпасъяссӧ ми... Пӧрысьмыны куті, Но эг вунӧд, Сиктын кыдзи ӧзйис Югыд би. Пызан увті Ветлі сэки подӧн, Пеша бердысь Дасысь кисьтлі вор. Кытысь тӧдны, Пырис кутшӧм могӧн Миян тшына керкаӧ Монтёр! Эз монтёр, — Сэк татшӧм ним эг кывлӧй! — Карысь воліс сюсь да Тӧлка зон. Пеша весьтӧ, Кодлӧн тшын эз сывлыв, Провод помӧ Крукаліс патрон. Мамӧ шӧпкис: — Ен мед видзас грекысь!.. Восьса вомӧн Вывлань дзоргис бать, Ӧшӧдчис кор Керка йирксянь лек моз Кляничаысь вӧчӧм Югыд гадь. Паччӧрысь тшӧтш лэччис Синтӧм дедӧ, Кодлысь синсӧ Сёйис пеша би, Сэрӧглань жӧ Нюжӧдчис да лэччис Сартас тор моз Сылӧн косьмӧм ки. Вӧлі рыт, Кор войыс лунсӧ зырӧ. Кодзувъясысь тэчӧ Ассьыс дзуг, Керкааным Нем виччысьтӧг пырис Шонді, Зарни шонді пырис друг! — Енмӧй!.. — сӧмын артмис Менам мамлӧн, Кыв джын батьлы, Тыдалӧ, эз шед... Дзикӧдз воштіс Тайӧ рытӧ сямсӧ Югыд билы паныд Сувтӧм дед. — Аддза!!! — горзіс, — Кыланныд-ӧ?!! Аддза!.. Бан боктіыс кывтіс Синва войт, Ӧшиньясын ворсіс Кыа раддзӧн Парма сайысь воӧм Пемыд вой. Медводз батьӧ Аслас садяс воис, Нӧбъяліс Лёк пешакӧд и вор, Пасьтасьтӧгыс нуис Тайӧ войын Сэтчӧ, кӧні скӧра Бузгис шор... Нинӧм дзик эг содты И эг мичмӧд, Вӧрзьӧдны важ вӧвлӧмтор Эг пов. Ломзис кодыр Лампочка Ильичлӧн, Мича кывйыд Сы дінӧ эз ков. Ставсӧ ачыс аддзис Керка стенсянь Медся дона, Медся муса морт... Овны кутас, Овны кутас нэмъяс Миян югыд шудын Ленин ёрт!
Гижӧд
Ильичлӧн лампочка
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1