ВЕРНЫЙ КАРЫН КУРАТОВЛӦН МЕДБӦРЪЯ ВОЙ
Воис нин, тыдалӧ, медбӧръя вой... Ачыс Куратов тӧдӧ: Морӧсас поздысьӧ терпиттӧм дой, Морт кор чахоткаысь пӧдӧ… Ывлаас шпорӧдчӧ вижӧдӧм сад, Коръяссӧ вой тӧв тільӧ. Ӧтчыдысь аддзывны ещӧ рад Ассьыс денщик Джамильӧс. Кодлы нӧ висьталас медбӧръя мӧвп, Медся пӧсь кывнас юксяс? Пырӧ казах, ловъя вуджӧр кодь чӧв, Висьыськӧд орччӧн пуксьӧ. Лолавны сьӧкыд нин... Вом дорыс кын, Пужъялӧм кор кодь кельыд. Комын квайт во сылӧн тырмис вын Шондітӧм муӧд кевны! Комиӧ, Комиӧ Кыссьӧ мудз лов... Чужан му медся муса! Кывбурӧн лямӧдны найӧс оз пов, Тальӧны кодъяс мусӧ. Кебрасӧ сывъяліс эськӧ поэт, Сьӧлӧмнас сійӧс шонтіс, Ӧдйӧджык му весьтӧ кыпӧдчы-пет, Пемыдсӧ венысь шонді! Кыа нин дзирдалӧ... Кӧдзалӧм ки Усьӧ да оз нин вӧрзьы. Синвасӧ чышкавтӧг бӧрдӧ денщик, Гораджык вой тӧв бӧрдӧ.
Гижӧд
Верный карын Куратовлӧн медбӧръя вой
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1