* * *
Дыр на, дыр на казьтывны ми кутам Война кадся тулысъяслысь сер, Сотісны кор тайӧ дона мусӧ Аддзывлытӧм би да свинеч шер. Эг кӧть вӧвлы ачым полысь рӧдысь, Ковтӧм ляблун сьӧлӧмӧс эз нирт, Биа тышӧ кыпӧдчигӧн, тӧда, Кынмывліс кыдз сӧнъяс пытшкын вир. Татшӧм здукӧ чужліс тшӧтш и ярлун, Кодӧс бордъя пуляӧн он ви. Помнита, кыдз миян комиссарным Медводз пыкис паныд локтысь би. Вӧлі тулыс... Вӧлі сэки тулыс, Руаліс став морӧс тырнас му. Татшӧм лунӧ босьтіс Харьков улын Усьӧм комиссарӧс братскӧй гу. Югыд шонді лыдтӧм югӧр раддзӧн Вольсалӧ быд ю, быд сён, быд кӧдж. Сійӧ, коді биа туй эз аддзыв, Тулыслысь став мичлунсӧ оз тӧд.
Гижӧд
Дыр на, дыр на казьтывны ми кутам...
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1