СЛЕПӦКУР
Думыштан да, кутшӧм сӧмын дивӧ Том олӧмысь казьтыштны оз сюр. Миянкӧд жӧ вӧр пӧрӧдіс Ивӧ, Ивӧ, коді вӧлі слепӧкур. Збой да зіль и ва вылын, и вӧрын, Кужис бертны медся сьӧкыд удж, Сӧмын мунны шонді лэччӧм бӧрын Важ баракӧ Ивӧным эз куж. Ставлы теш, кор сійӧс колям ылӧ, Горӧдлам да бара ланьтлам чӧв, Асьным полам, медым кӧть эз ылӧд Мӧд туй вожын лэчыдалысь тӧв. Первой пятилеткаяслӧн вояс! Томлун небыд койкаын эз узь: Омӧля кӧ удайтчыліс сёйны, Тырмис босьтны пельпом вылӧ мудз! Сэки менам первой кывбур чужи, Юрысь коді ӧні на эз пет. Миян Ивӧ медводз босьтны кужис, Медводдза ударниклысь билет. Казьтыштан да, синмыд шогӧн тырӧ... Кӧні нӧ тэ, муса Слепӧкур? Волхов дорысь гадинаӧс зыриг, Пуктӧма пӧ, кывлі, ассьыс юр. Ӧні вӧрын ыджыд шуда йӧзлӧн Кутӧ чер да пила вына сой. Медым олӧ морт сьӧлӧмын лӧглун Сэтчӧдз, кытчӧдз ловъя кольӧ дой!
Гижӧд
Слепӧкур
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1