* * *
Дасысь сюйлас пошта кудйӧ кисӧ, Шогсьӧмысла ачыс лои виж. Пи вӧснаыс мамлӧн сьӧлӧм висьӧ, Коді важӧн нинӧм нин оз гиж. Кильчӧ дорас петалас да сувтлас, Гӧгӧрвотӧг босьтлас юрсьыс шаль. Муса пиыс, ланьтӧм ӧшинь улыс — Нывбабалы ставыс помтӧг жаль. Асъядорӧдз сылӧн синмыс восьса, Сьӧлӧм дойыс морӧссьыс оз ям, Думайтӧ пыр: ӧні ӧдзӧс восьтас, Пырас пиыс, шуас сӧмын: — Мам… Но оз овлы му шар вылын чудӧ, Мортлысь шогсӧ нинӧм дзик оз вен, Кӧть и коркӧ збыльысь, гашкӧ, чужӧ Миянӧс быд шогысь мездысь ен. Коді тӧдас, кӧні мамлӧн пиыс, Мыйла сійӧ куим кыв оз гиж? Ылыс му пом бара сотчӧ биын, Чардалӧмнас енэж дорас виж. Верми кӧ ме ӧні тайӧс вӧчны, Чукӧртны быд мамлысь сьӧлӧм дой, — Кыпӧдчи да медся джуджыд рӧчсянь Вувзи зывӧк понлы моз жӧ: — Сёй!.. — Сылы, коді сӧмын лёклун кӧдзӧ, Зверьяс рӧдысь морт туйӧ оз пет. Мувывса став мамъяс синъяс водзын Зывӧк пон моз джагалӧ жӧ мед.
Гижӧд
Дасысь сюйлас пошта кудйӧ кисӧ...
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1