ШОНДІ БАРА ВЕТЛӦ
Шонді бара ветлӧ вывті улӧд, Лымйӧн миян ыбным бара тыр. Сӧмын, гашкӧ, кутшӧмкӧ Стамбулын Гожӧм ӧні дзоридзалӧ пыр. Аддзылі ме сэтчӧс веж газонъяс, Площадьяслысь горша воссьӧм вом, Кӧні коньӧр уджтӧмалысь зонъяс Корсялӧны пыр чигарка пом. Садъяс пытшкын этатшӧм бур райлы Завидь менам ӧти войт эз пет. Оз дворецын, а решетка сайын Пукалӧ сэн сё Назим Хикмет. Ӧні гожӧм шондіа Стамбулын, Дзирдалӧ да ворсӧ лӧнь Босфор, Но ме тӧда, ӧти здукӧн кула, Сылӧн шогӧн юкталасны кор. Воас кад, — и сійӧ абу ылын, — Лунвыв мукӧд сывъясяс веж яг. Кыптас и Айя-София йылын Чарла-мӧлӧт паса алӧй флаг.
Гижӧд
Шонді бара ветлӧ
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1