ВЕТЛЫ КӦТЬ ДАС МУ САЙӦ
Ветлы кӧть дас му сайӧ, Вуджав лыдтӧм ю, Некор таысь мусаӧс Тэ он аддзы му. Кыаяслысь йиджтӧма Аслыс ловъя сер, Дзор Уралӧдз гижтӧма Сійӧс сӧстӧм зэр. Лысваӧн кыдз пӧртмасьӧ Парма весьтын ар, Зарни биӧн кӧртасьӧ Сикткӧд ыджыд кар. Быд пельӧсын шыалӧ Збой да кыпыд удж, Ытваӧн моз кылалӧ Миян киӧ шуд. Кыдзи ветлім косьясӧ, — Некор дзик оз вун! Водзын сувтӧ-воссьӧ на Таысь мича лун. Ветлы кӧть дас му сайӧ, Вуджав лыдтӧм ю, Медся шань да мусаыс Аслад чужан му!
Гижӧд
Ветлы кӧть дас му сайӧ
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1