ПАШНЯӦ ТУЙ
Чӧртыс эз на вуджлы тайӧ туйӧд, Эз кӧ вӧвлы садь быртӧдзыс код. Видзӧда, кыдз водзӧ ӧні уйӧ Танкысь вына миян вездеход. Лымъя эрдын ловзьӧ лыдтӧм кодзув, Фара улысь ылӧ пышйӧ вой. Абу тані, — заводитчӧ водзын Пашня бердса парма йылысь мойд. Вӧр — кыдз вӧр, эз тальччыв кытчӧ кокнас Таладорын кыйсьысь лазъя морт. Сылы воча ачыс ӧні локтӧ Кӧрт сьӧлӧмын чужтӧм вына гор. Сійӧ пырис мулӧн морӧс пытшкас. Мырддис сылысь гусятор да чӧв. Кыпӧдчис нефть перъян ыджыд вышка, Марслань быттьӧ веськӧдӧм ёсь ньӧв. Тані менӧ ёнджыка на сотӧ Миян кадӧ мортӧс сотан дой... Мырсьӧ кор бурильщикъяслӧн рота, Быдӧнлы сет ӧти ним — герой! Кужа-ӧ кӧть медбур сьыланкывйын Ошкыны разведчикъяслысь нэм? Тайӧ найӧ пармалӧн дзор сывйӧ Пыртӧны сё шонді тэд и мен!
Гижӧд
Пашняӧ туй
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1