* * *
Ты шӧрын купайтчӧ тӧлысь, Гожся вой ланьтӧма чӧв; Быттьӧкӧ, колльӧдӧ кӧлысь Дзирдалан сермӧда вӧв. Шойччӧны мудзыштӧм зонъяс, Быдӧнӧс сывъяліс вӧт. Видз вылӧ зэлӧдӧм вонйын Сынӧднас некыдз он пӧт. Синваысь сӧстӧмджык лысва Сёнъясысь оз на кӧть сыв, Асылыс сьӧлӧмысь кыскас Шуд йылысь выль сьыланкыв. Сетӧй и меным тшӧтш куран, Медым кӧть гаддьӧсьлас ки... Коркӧ ӧд, тӧданныд бура, Вӧвлі жӧ крестьянин пи! Сьылӧмӧн сӧмын оз лӧсяв Пальӧдны вӧр-валысь ун, — Кывбурӧн колӧ и пӧсьӧн Матыстны шондіа лун! Кыалӧн чужигас вӧрысь Окасьны петалас тӧв. Ты шӧрын купайтчӧ тӧлысь, Гожся вой ланьтӧма чӧв...
Гижӧд
Ты шӧрын купайтчӧ тӧлысь...
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1