ТАРАПА ТЫ ДОРЫН
Ачыд асьтӧ кыдзи венан, Кодыр сьӧлӧмыд век пым? Бара чужӧмбанӧ койӧ Тундравывса чизыр лым. Туйсӧ татчӧ ачым бӧрйи, Ӧні няргыны оз ков. Нуӧй, нуӧй, нуӧй, кӧръяс, Сьӧкыдлунъясысь ог пов! Бӧрӧ коли Тарапа ты, Водзын дзоргӧ Море Из. Со тай дзирдалӧ нин матын Йиӧн кышӧм море визь. Ставсӧ сотӧ лов шы сылӧн, Сӧмын мортӧс оз тай вен... Пыкис енэж харей йылӧн Кӧръяс видзысь, кыдзи ен. Зэрӧ, турӧбъясӧн дурӧ Тундра шӧрӧ воӧм ар, А со сійӧ восьса юра — Войвыв мулӧн збыльысь царь! Юрӧс копыртны сы водзын Меным оз ӧмӧй тшӧтш ков? Енэж шӧрысь медбур кодзув Сетны эг эськӧ ме пов.
Гижӧд
Тарапа ты дорын
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1