* * *
Енэжыс быттьӧ розя, — Помасьтӧг киссьӧ зэр, Аддзыны сӧмын позьӧ Ӧшиньлысь бӧрдан сер. Ылӧ нин коли бӧрӧ Ылавлӧм гожся жар, Ыдждавны петіс вӧрӧ Пувъя да тшака ар. Мыш вылӧ пестер чӧвта, Сывъяла вужйысь доз, Сьылігтыр пета кӧвтны Вотӧслысь кисьмӧм роз, Зэрыс оз чинты гажӧс, Сутки кӧть шливгас мед, Сыысь эз дзебсьыв важӧн, Помнита, менам дед. Арын, кор ӧшинь бӧрдіс, Паччӧрас эз на узь, Кыскаліс буретш вӧрті Ас вылас ва да мудз. Мустӧмтны важся олӧм Дзикӧдзсӧ оз жӧ ков... Тӧд вылын кутны колӧ: Миянын ӧні олӧ Дедъяслӧн зумыд лов!
Гижӧд
Енэжыс быттьӧ розя...
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1