ВАЖ СЛӦБӦДА ДОРЫН
Альбомса сонетӧн ме восьтны ог вермы Морт сьӧлӧмлысь зэв ыджыд вын. Монтажниклы тшӧктісны сувтӧдны ферма, А му чорыд из кодь дзик кын. Но сувтӧдны ӧдйӧ да зумыда колӧ. Мед сулаліс вевт улын нэм. И вӧвлӧм моряк бокӧ тойыштіс полӧм Да морӧссӧ кизяліс: — Эм!.. Бульдозеръяс петісны мылькъяссӧ лойны, Сьӧд жужаль моз лэптісны мыш. Эз, важ Слӧбӧда налӧн шыысь эз доймы, Но вешйыны вӧлі на дыш. Ӧд кӧсйис на пыр, кӧть и чӧла да, овны Пу срубъясысь пӧрысьмӧм грезд, Важ олӧмысь кольӧмтор — киссьӧм часовня — Эз чургӧд нин чегъясьӧм крест. Выль кывъяс друг пырисны: «Вира!..» да «Майна!..» Кӧть кӧдзыдыс вӧлі и ён, Но башеннӧй кран йылӧ тэрыба кайны Эз повзьы и коми збой зон. И кын муыс томъяслӧн смеллунысь повзис Да енэжкӧд сывъясис сэк. Ме шуда, ме аддзылі лун, кодыр ловзис Выль нэмысь на югыдджык цех.
Гижӧд
Важ Слӧбӧда дорын
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1