ПАРТОРГ
Парторг оз узь, Кӧть важӧн шойччан кад И бара узьтӧг Кольӧ сылӧн войыс: Выль вахта вылӧ мунӧ Выль отряд, Кыдз петӧны салдатъяс Ыджыд бойӧ. Тан збыльысь бой, — И би, и гым, и тшын, И уйӧны бульдозеръяс Пыр водзӧ. Мед вӧрыс помтӧм, Муыс измӧм кын, Но Вуктыл вӧсна Ставсӧ сетны позьӧ... И сійӧ петӧ Вой улӧ жӧ тшӧтш Партийнӧй кывйӧн Сьӧлӧмъясӧдз воны. Мед енэж шӧрас Кынмӧ Ыджыд Кӧш, А сылӧн ӧти кывйысь Йӧзлы овлӧ шоныд. И ковмас кӧ, оз шу, Мый босьтіс мудз, Кӧть ӧні каяс Джуджыд вышка йылӧдз, Кӧн чизыр вой тӧв Сы моз жӧ оз узь Да парма вылас Скӧралӧмӧн сьылӧ. Бурильщикъяслы Сетӧма приказ Дзор Вуктыл гыркӧ Уна бурӧн пырны, Мед ыджыд вынӧн Сэні пессьысь газ И енэж вевтсӧ Шонтыны тшӧтш тырмис. Ме тӧда, сьӧкыд зэв, Но некодлы парторг, Мый сьӧкыд, Сы йылысь оз висьтав... Эм Му шар вылас Медся сьӧкыд мог — Мог лоны Коммунистӧн.
Гижӧд
Парторг
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1