БУРИЛЬЩИКЪЯС ЙЫЛЫСЬ БАЛЛАДА
Бурильщиклӧн чужан лун воис, А сьӧлӧмсьыс дойыс оз бурд... Выль скважина пыдӧсӧ лои Друг эновтны зэв дона бур. И мыжа, и абу кӧть мыжа Бригадаӧн веськӧдлысь зон, Но мустӧммис праздничнӧй пызан И пӧръясьны вельмӧм девон. Шог пӧдтӧны кодъяскӧ спиртӧн, Но шудтӧм бурильщик эз ю, А вой шӧрӧдз чужӧмсьыс ниртіс И яндзим, и курдӧдӧм нюм. Эз вермы, дерт, думыштны сійӧ, Кыдз вӧрзьӧдӧ ӧтувъя мог, А кодлӧнкӧ дась вӧлі киыс Тшӧтш юкны и радлун, и шог. Мед сёрӧн, но праздникыс воис, И козиныс лои зэв бур: Бурильщикъяс локтісны войын Да вайисны сибдылӧм бур. Алмазъяснас дзирдаліс-ӧзйис Долотолӧн руалан пом, А дружбаыс пармаса йӧзлӧн Алмаз серти вӧлі на ён. И праздничнӧй пызаныс шудӧн Да радлунӧн тшӧтш вӧлі тыр, Выль мортлысь выль оласног чужӧм Тан пасйисны кызь багатыр.
Гижӧд
Бурильщикъяс йылысь баллада
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1