ЗАВИДЬЛУН
Завидьлунӧн ме зэв важӧн вися, Но лекарствояс врачлысь ог кор... Тӧда, чутысь на ичӧтджык бисянь Арттягачлӧн тшӧтш ловзьӧ мотор. Сылӧн помасис воинскӧй служба, Вына сьӧлӧмыс зэв на кӧть бур: Бордъя вӧв дорысь ӧдйӧджык вуджӧ Сійӧ зэв паськыд Вуктылса нюр. Сэні ловзьӧны тӧрытъя мойдъяс, Сэтчӧс сынӧдыс чардбиӧн тыр. Менсьым сьӧлӧмӧс зільлуннас дойдӧ Рочӧн сёрнитысь том багатыр. Миян Пера кодь зэв ыджыд шлема, Киас кутӧ оз шы, — электрод. Мыйла, шогсьӧмӧн мӧвпалӧ ёма, Ковмис войтырлы газопровод? Менӧ ачымӧс завидьлун йирӧ, И дзик некодысь сійӧс ог дзеб: Кутіс, тыдалӧ, кӧдзавны вирӧй, Оз кӧ лӧсяв нин чорыд брезент. Медым сӧрӧны ӧткымын дышъяс: Абу уджын пӧ мортыдлӧн шуд! Эз кӧ пӧсявлы Вуктылын мышкӧй, Тайӧ кывбурыс, гашкӧ, эз чуж!
Гижӧд
Завидьлун
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1