ГЕРОЙ
Вася школаӧ нин ветлӧ, Книга лыддьӧ лун и вой. Сылы аслыс шуны сетлӧй, Коді, сы ногӧн, герой. Кисӧ Вася лэптас: — Тӧда! Чкалов... Щорс... Чапаев... Зон Тшӧтш сэк лыддьӧдлыны мӧдас Брест, Одесса, Краснодон. — Чкалов пӧкӧритіс полюс... Щорслӧн сабля вӧлі ёсь, А Чапайлысь Вася нёльысь Ветліс видзӧдлыны кось. Батьыс локтас муяс вылысь, Кӧть и мукӧд дырйи мудз, Шуас нюмъёвтӧмӧн сылы: — Кино вылад, зон, эн узь! Унмовсяс-ӧ Вася коркӧ! Ӧзйӧ синмыс... Воссьӧ вом... Эн жӧ бара сійӧс торкӧй: Киноленталӧн эм пом! Лоӧ, майбыр, батьлы уджыд... «Мыйла сідзи?» «Мыйла тадз?..» Вася сёрӧн, сёрӧн чужис... Мыжа, дерт жӧ, аслас бать! Коркӧ Брестысь ӧдва петіс, Ӧні удж вылын лун-вой... Зон оз тӧд, мый паськыд светас Батьыс медыджыд герой.
Гижӧд
Герой
Жанр: 

lkejrlkelkrgner klrjnelknfrkl ekjnrjkenfrej

1