ИВӦ-ДИВӦ
— Мыйся тайӧ татшӧм дивӧ, — Мамлысь юасьӧ пыр Ивӧ, — Кыптӧ вӧр ді сайысь шар, Биа ӧгырысь на жар? — Ой тэ, Ивӧ, ичӧт пи! — Тайӧ абу ӧгыр-би, Асыввывсянь бара пондіс Петны миян югыд шонді. Аддзан, аслас зарни туйӧд Ыбъяс весьтӧд сійӧ уйӧ, Быдтӧ миянлы бур нянь, Шонтӧ тэнӧ, ичӧт Вань! Эжва весьтын ӧшкамӧшка Кымӧр чукӧръяссянь ӧшйис. Ичӧт зонлы бара дивӧ, Бара юасьӧ нин Ивӧ: — Коді тайӧ увлань юрӧн Эжва шӧрысь васӧ юӧ? Мамыс нюмдіс: — Зарни асык Небесаын мегырасис: Ӧшкамӧшка юӧ зэр, Медым вежӧдіс быд эрд. Ӧшинь улын мича дзоридз Ичӧт зонлысь синсӧ ёрӧ. Ивӧ бара тай оз тӧд: Ӧти дзоридз абу сьӧд! Ивӧ садьмӧ лэбач горысь, Пышйӧ ӧтнас Эжва дорӧ. Ассьыс писӧ корсьӧ ань: — Кытчӧ вошин, менам Вань? Мыйла сылӧн мамыс полӧ? Ичӧт зонлы тӧдны колӧ, Кытчӧ кывтӧ эзысь ю, Кыдзи быдмӧ йӧрын сю, Кодлы вӧрын лэбач сьылӧ, Мыйла кымӧр лэбӧ ылӧ... Ставсӧ тӧдны кӧсйӧ Ивӧ, Ставыс ичӧт зонлы дивӧ. Ичӧт Ивӧ, Ичӧт Ивӧ, Ачыд абу ӧмӧй дивӧ?
Гижӧд
Ивӧ-дивӧ
Жанр: 

lkejrlkelkrgner klrjnelknfrkl ekjnrjkenfrej

1