СВЕТЛАНА

Миян керкаясным паныд,
Костыс сӧмын ӧти сыв.
Мыйла серамтӧ, Светлана,
Тайӧ рытӧ ме ог кыв?

Бара, гашкӧ, ёна мудзин, —
Тувсов луныд вывті кузь! —
Муса сикт и вӧр-ва узьӧ,
Сӧмын ӧти зон оз узь.

Кыа асыввылӧ вуджӧ,
Ӧдва вӧрӧ льӧм пу кор.
Медым менам кокни вуджӧр
Нинӧм му вылысь оз торк.

Регыд зарни шонді петас,
Садьмас миян чужанін.
Мыйла,
	мыйла паськыд светас
Ме ог кывлы некор, Света,
Тэнад нимысь югыд ним!