МӦДЛЫ МЕД ТЭСЯНЬ ШОНЫД
Унаысь тэнӧ дойдлісны, Кодӧскӧ дойдлін ачыд, Биӧн кор тэнад ойдлывлӧ Морӧсад сьӧлӧм-пачыд. Тӧда, и кута эскыны: Мортӧс оз дорйы рангыс... Прӧстӧ ӧд тадзи эз кыны, — Некод пӧ абу ангел! Кужны и колӧ шогсьыны, Ёртлы кор дойыс инмас. Мыйла нӧ яндам ноксигас Уськӧдны эзысь синва? Выль йӧз кор туйӧ петасны, — Выль олӧм воас, чайта. Миянлы ӧні весавны Важ нэмлысь кольӧм няйтсӧ. Быдӧнлы ыджыд колантор Сӧстӧм да мича лолыд. Му вылас ӧтчыд олан кор, Мӧдлы мед тэсянь шоныд!
Гижӧд
Мӧдлы мед тэсянь шоныд
Жанр: 

lkejrlkelkrgner klrjnelknfrkl ekjnrjkenfrej

1