КОЛОННӦЙ ЗАЛЫН
Колоннӧй залын гӧгӧр би, Сё люстра синтӧ ёрӧ, Ме, коми вӧралысьлӧн пи, Тшӧтш лэпта вывлань ассьым ки Да кыв-мӧд шуны кора. А водзын пукалӧны йӧз, И сьӧд, и виж, и еджыд... О, кыдзи вермӧ йирны дрӧж, Трибуналань кор кежан! Кӧть сьӧлӧм тіпкӧмӧс ог кыв Со тайӧ ланьтӧм залас, Но колӧ, Колӧ шуны кыв, Кыдз войвыв олӧ талун! Кыдз олӧ? Олӧ Коми му, Оз корысяв, оз норась, Веж парма сьылӧ, Сьылӧ ю, А мортыс — медся гора! Ме рочӧн сёрнита... Роч кыв Ас кыв кодь жӧ ӧд муса, И миян дзик быд пи и ныв Сӧветскӧй мортӧн шусьӧ. Ми ӧтвыв юкам шуд и шог Да пызан сайӧ пуксям, Кыдз ыджыд керкаысь быд вок Став олан гажнас юксьӧ. Мед дзоргӧ уна ӧзйысь син, Ог кӧсйы пыр на сувтны... Колоннӧй залысь вуджӧрин Ме аддза... Ленин сувтӧ! Пыр сэтшӧм, кутшӧм сійӧ эм, Кыдз дзоридзалысь тулыс, И нӧшта югыдджык на нэм Со индӧ паськыд мулы.
Гижӧд
Колоннӧй залын
Жанр: 

lkejrlkelkrgner klrjnelknfrkl ekjnrjkenfrej

1