* * *

Ми олам космическӧй нэмӧ,
Кор тшӧт вылын быд ичӧт здук,
И вӧтысь на мичаджык вемӧс
Оз тыдавтӧм тор вылас тшук.

Ракетаяс дзоргӧны вывлань,
Кӧть ӧні жӧ на вылӧ сӧв
Да кодзувлӧн дзирдалысь тывйӧ
Ну миян планеталысь тӧв.

Оз атомнӧй бомбалӧн вынӧн
Морт сьӧлӧмысь кӧдзыдыс сыв.
Ми пыр кутам ошкыны сынӧд,
Кӧн юралӧ збой сьыланкыв.

И миян космическӧй нэмӧ
Пӧсь радейтӧм некор оз ор,
Ӧд аслад жӧ шудлуныд тэнӧ
Оз лэдз Мусӧ эновтны, морт!