* * *

Вӧлі водз, а кӧнкӧ, гашкӧ, сёр нин,
Чуймӧмысла тіраліс эфир,
Кык сӧветскӧй мортлысь гора сёрни
Космос шӧрысь кодыр кыліс мир.

Миян мулысь честь да слава радӧсь
Кодзувъясӧдз кыпӧдны кык вок.
Тӧвзисны торжественнӧй парадӧн
Му гӧгӧр кык дзирдалысь «Восток».

Кутшӧм мегагерцъяс вылын кужим
Налы шуны медся муса кыв,
Космосӧ кор быд сьӧлӧмысь вуджис
Югӧр ӧдӧн чужысь сьыланкыв!

Му да енэж оз позь юкны биӧн,
Аслас сывъяс найӧс босьтіс морт.
Паськӧдісны миян удал пиян
На весьтын кык вына мирнӧй борд.