ДЗОРИДЗЬЯС ӦВТӦНЫ ЮРНАС
Дзоридзьяс ӧвтӧны юрнас, Ытшкысьлы шуӧны: чолӧм! Лысваӧн киськалӧм турун Косаӧн кокниа орӧ. Мунны да пыр эськӧ сьывны Помасьтӧм тайӧ покосӧд, Кыалӧн медбӧръя сывйыс Туй вылысь кытчӧдз оз косӧд. Висьталӧй, дзоридзьяс, меным, Кыдз тайӧ виччысьтӧг артмис, — Морӧсысь дыр кежлӧ венліс Муслунӧс зэв ылыс карыс? Ме абу рӧдвужтӧм олысь, — Лов пытшкысь тайӧс ӧд кыла: Видз вылын юралысь йӧла Сьӧлӧмын ланьтлывтӧг сьылӧ. Ӧні ме век кежлӧ тікӧд, Нинӧм нин сэсся оз косӧд... Чужӧны медмича стихъяс, Мунан кор паськыд покосӧд!
Гижӧд
Дзоридзьяс ӧвтӧны юрнас
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1