* * *

Ой тэ, лӧнь да шоныд вой,
Баканъяслӧн бияс,
Мырддис сьӧлӧмысь спокой
Лӧз Печора миян.
	Керӧс йылын ворсӧ гудӧк,
	Кывтӧ ылӧ мелі шы.
	Бакан ӧзталысь зэв шуда,
	Орччӧн пукалӧ кор ныв.
Кывтас еджыд теплоход
Перекатъяс вомӧн.
Мыйла, виччысьтӧм любов,
Бӧрйин татшӧм томӧс?
	Асъявылыс вошлас зон
	Аслас карбас-пыжӧн.
	Мыйла менӧсӧ оз босьт,
	Мыйӧн лои мыжа?
Ой, Печора, эзысь ю,
Баканъяслӧн бияс,
Медым тэ кодь югыд туй
Водзын лоӧ миян.
	Керӧс йылын ворсӧ гудӧк,
	Ылӧ кывтӧ мелі шы.
	Бакан ӧзталысьлысь шудсӧ
	Нэм чӧж кутас юкны ныв.