* * *
Коді медводз вӧчис томан, — Вӧлі тӧлка морт. Колькъя томан ӧдзӧс помын — Медся вернӧй ёрт. Менам кӧлуй абу уна — Кык костюм, кык клёш, Но кор уджавны ме муна, — Пола, мед оз вош. Складъяс ӧдзӧсъясӧ иган Лӧсьӧдам на ми, Медым некытчӧ оз сибав Гусясьысьлӧн ки. Тадзи му шар вылын вӧлі Лыдтӧм уна во. Но ме бура тӧда ӧні, — Тадзи оз нин ло. Нэм джын коляс, гашкӧ, зэв нин, — Воас сэтшӧм кад, — Томан нуасны музейӧ, Восьса лоӧ склад. Батьлысь юалас сэк пиыс Ковтӧм кӧртлысь ним, Кодӧс важ витрина пиын Кутас сёйны сім. Мед оз висьтав тайӧс сылы... Абу ыджыд шог! Мед оз веськав мортлӧн кывйӧ Кольӧм кадся ёг.
Гижысь: 
Гижӧд
Коді медводз вӧчис томан...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1