КОПРАСЬӦ ДЗОРИДЗ
Лыйлісны дас коммунистӧс, Дас гӧрд боецӧс-салдатӧс. На йылысь кувлытӧм висьтыс Пыр кутас югдӧдны кадсӧ. Медбӧръя лов шыӧдз тышас Кӧсйисны водзсасьны найӧ. Веськавны врагъяслӧн кытшӧ Ставныслӧн вӧлӧма пайыс. Кӧртавны синъяс эз корны, Сувтісны даснаныс орччӧн. Сывъясьӧм кияс эз орӧд Белобандитъяслӧн ёрччӧм. Вӧр весьтын кыпӧдчысь шонді Чӧвталіс зарниа сунис. Муслуныс кулӧмысь ёнджык, Аддзан кор кыпӧдчысь лунсӧ. Тадз найӧ кулісны дасӧн Вежӧдысь льӧм пуяс бердын, Медым пыр мича да ясыд Вӧлі выль войвывлӧн эрдыс. Сэн, кӧні бушколыс дурліс, Олӧмныс смелъяслӧн ори, Копрасьӧ лысваӧсь юрнас Му вылын медмича дзоридз.
Гижӧд
Копрасьӧ дзоридз
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1