НЯНЬ
Юрбиттӧг важ кадӧ Сёйны эг пуксьыв. Пӧрысь мам казьтыліс Сы йылысь мен, Няньлӧн быд крӧшкиӧн Микӧд пӧ юксьӧ Гӧльяслысь мукасӧ Терпитысь ен. Крӧшкиӧн... Эскыны енлы ог мӧдӧй, Пызанным тыр Небыд кӧрышӧн век. Шыбитны крӧшкисӧ, — Зэв бура тӧда, — Му вылын медыджыд, Медсьӧкыд грек. Паметьын ставыс ӧд: Шогыс и тшыгыс. Торъявлӧм муяслӧн Векньыдик пом. Чужи на сӧмын, А лои нин мыжа, Бать-мамӧй шуисны: — Лишалысь вом!.. Мый найӧ кӧдзлісны? Зэв сьӧкыд шуны. Кӧйдыс-ӧ? Синва-ӧ? Прӧста он бӧрд! Унатор вунӧ, Но сійӧс он вунӧд: Му пыдди сьӧлӧмтӧ Йирӧ важ гӧр. Лӧглунӧн пузьыліс Вемыд и вирыд. Бӧрдісны ичӧтъяс: Корисны нянь... Мунлісны дядьӧяс Ылі Сибирӧ, Сьӧрсьыныс нулісны Тасьті да пань. Сісьтіс да сотіс Кулак ассьыс сюсӧ, Тшыглуныс джагӧдны Зілис дзонь сикт. ...Ас синмӧн аддзылі, Кыдзи сэк уси Нянь вӧсна тышкасьысь Смел коммунист... Помнита гажа да Шондіа тулыс: Май вайис Ыбъясӧ кывлытӧм гор. Петісны тошка йӧз Жугӧдны мулысь Морӧссӧ петляӧн Зэлӧдӧм бор. Кодъяскӧ полісны, Кодлыкӧ дыр на Жаль вӧлі эновтны Омӧлик поз. Тадз миян том дырйи Олӧмӧ пырис Тшыглунсӧ повзьӧдлысь Вына колхоз. Уна лёк бушков пыр Рӧдина вуджис, Тысяча пӧв лои Зумыд да ён. Енсяньыс отсӧгтӧг Зэв бура кужам Ӧні ми висьтавны Няньыслысь дон.

lkejrlkelkrgner klrjnelknfrkl ekjnrjkenfrej

1