* * *
Кузь туйӧ мӧдӧдчан лунӧ Китӧ кӧть меным эн сет, Кассаысь ньӧбны эг вунӧд Ӧти перроннӧй билет. Войвылӧ тэрмасьӧ поезд, Юргис нин коймӧд гудок. Морӧсысь сьӧлӧмӧс сёйӧ Ӧтнамӧс колльӧдысь шог. Пышйӧны пожӧмъяс бӧрӧ, Дзирдыштлас ичӧтик ю, Сідз, быттьӧ помасьтӧм вӧрыс Поездлы сетас салют. Кӧрт вӧвлӧн шы кындзи нинӧм, Кывзысь кӧть мыйта, он кыв... Мен, гашкӧ, ӧвтӧ, со, кинас Туй боксянь ичӧтик ныв? Серпасыс коли нин ылӧ, Син водзысь сӧмын оз быр... Виччысьтӧм бур сьыланкылӧн Сьӧлӧмӧй чукӧстчис пыр. Медым кӧть нинӧм эн шу тэ, Колльӧдны весиг эн пет. Тэ пыдди киясын нуа Ковтӧм перроннӧй билет.
Гижӧд
Кузь туйӧ мӧдӧдчан лунӧ...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1