* * *
Аргыш туйсӧ турӧб ӧдйӧ тӧлас, Брунган шыыс регыд ланьтас чӧв. Тундра шӧрӧ кольччыны кӧ полан, — Кокни даддьӧ тэрмасьӧмӧн сӧв. Кузь да пемыд тані тӧвся войыс, Харей кутны дыр оз велав ки. Сійӧн, гашкӧ, небесаыс койӧ, Помся кисьтӧ уна рӧма би. Кодзув ӧзйылас да усигмозыс кусӧ, Море весьтын орӧ сылӧн нэм. Коді веритас, — и кодзувсӧ и мусӧ Сизим лунӧн вермис вӧчны ен! Синнад сюся пемыд йирас йиджтысь, Харей-бедьтӧ лым толаӧ сюй. Югыд Спутник, Миян Спутник гижтӧ Му шар гӧгӧр ассьыс эзысь туй! Чумсянь чумӧ лэбзьӧ ыджыд юӧр, Лэбачлӧн кодь кокни сылӧн борд. ... Небесалань чатӧртыштӧм юрӧн Войбыд дзоргӧ маличаа морт.
Гижӧд
Аргыш туйсӧ турӧб ӧдйӧ тӧлас...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1