ПАРТИЯ ЙЫЛЫСЬ КАНТАТА
I
Парма весьтын кыптысь зарни кыа Ылӧ вӧтліс мулысь кокни ун. Чикышъяслӧн мелі сёрни шыӧн, Чужан муӧй, сувтіс тэнад лун. Мича каръяс весьтӧд вуджӧ шонді, Сьӧкыд шепнас ӧвтчӧ воӧм сю. Шудлун йылысь помасьлытӧм сёрни Бара паніс миян Эжва ю. Лыддьӧ поезд кольӧм перегонъяс, Из шом пластӧ писькӧдчӧ комбайн. Варов нывъяс, миян коми зонъяс Дружнӧй уджлысь юкӧны тшӧтш пай. Строитель, шахтёр да проходчик Сувтӧны вахта вылӧ, И тэ йылысь, Партия-Зодчӧй, Сьыланкыв юргӧ кылӧ. Колхозник да вӧр лэдзысь орччӧн Мунӧны ыбӧ, ягӧ, А вильыш тӧв збоя ворсӧ Кыаысь сӧстӧм флагӧн. Мир да дружба быд сьӧлӧмын олӧ, Ӧта-мӧдлы быдӧн лоӧ ёрт. Оз ӧд прӧста чарла да ён мӧлӧт Аслас киын кут и коми морт. Медбур кывъяс, медся ыджыд чолӧм Тэныд, Партия, ми шуам пыр. Сетін мортлы мездлун, шуд да олӧм, Кодӧс корсим му шар вылысь дыр.
II
Дыр, ой, зэв дыр синва киссис, Сьӧлӧм йирис дой, Парма морӧсӧдз эз письтлы Радлунлӧн сӧдз войт. Шогкӧд ӧти кадӧ чужліс Вӧрын олысь морт. Сійӧн вой тӧлыслӧн шувгӧм Вӧлі сэтшӧм нор. Татшӧм войӧ тэ кывлін ӧд, Эжва, Ссыльнӧй вокъяслысь восьлалан шы? Корсьны тышын и правда, и мездлун Найӧс кыпӧдіс Ленинлӧн кыв. Пурйӧн кывтысьлысь топӧдліс кияс Ичӧт воклысь моз зэв бур роч вок. Мунны аскилань Партия миян Восьтіс уджалысь морт водзӧ мог. Кыптӧ, сувтӧ миян кыа, Локтӧ югыд лун! — Тайӧ вына, гора шыыс Садьмӧдіс став му. Аслас вокъясыскӧд орччӧн Сувтіс коми морт. Ыджыд тышын вӧля корсьны Кыпӧдчис народ. Некор йӧзлы шоглун вылӧ Оз бергӧдчы вой. Ытва дырйи кывтіс ылӧ Оккупантлӧн шой.
III
Мыйла сьӧлӧмным мудзсӧ оз тӧдлы, — Вермас висьтавны тайӧс быд морт. Мый ми вӧчам — ми вӧчам ог мӧдлы, — Ӧта-мӧднымлы быдӧн бур ёрт. Югыд школаяс челядьлы лэптам, Видзам синмӧс моз му вылын мир. Чужан му вывті кыпыда ветлам, Уджлысь радлунсӧ славитам ми. Югыд шондіыс ми весьтын дзирдалӧ пыр, Тувсов ыб сё мотор шыӧн жургӧ. Эшелон тӧвзьӧ лунвылӧ из шомӧн тыр, Помся кывтӧны ю вывті пуръяс. Тэн, рӧдимӧй страна, сетам сьӧлӧмысь би, Тэкӧд, Партия, восьлалам водзӧ. Коммунизмыслысь югӧрсӧ аддзам нин ми, — Кыптӧ му весьтӧ медмича кодзув.
IV
Вӧччис муным тувсов сад моз, Воис йӧзлы ыджыд шуд. Тэныд, Партия, сё аттьӧ Шуам гораа быд лун. Медбур кывъяс, медбур думъяс Сиӧ тэныд дзик быд морт. Тэкӧд лоны, тэкӧд мунны — Миян ӧти ыджыд мог. Мед юргас пыр тэ йылысь, Партия, слава! Слава тэн, Партия, слава! Нэмъяс чӧж слава! Великӧйлы слава! Доналы слава! Некор оз куслы слава!
Гижӧд
Партия йылысь кантата
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1