ЛӦНЬ РЫТӦ ӦТНАС СЬЫЛӦ
Лӧнь рытӧ ӧтнас сьылӧ Крут керӧс йылын зон: «Ме аски муна ылӧ, Тэ тайӧс тӧдан он?..» ...Оз менсьым сійӧ юась, Оз менӧ виччысь-кор... Эг сы моз жӧ мӧй ну тась Ме торйӧдчӧмлысь шог? Быд ордым пыр на муса, Кӧть колис уна во, И нинӧм дзик эз кусӧд Ас му дінӧ любовь. Ми янсӧдчим да сьылім, Кыдз сьылӧ ӧтка зон: «Ме аски муна ылӧ, Тэ тайӧс тӧдан он?..» Походъясын, блиндажын, Кор сотіс свинеч шер, Пыр синъяс водзын важкодь, Пыр вернӧй вӧлін тэ. И, гашкӧ, ассьым керӧс Эз аддзыв некор син, Эг радейт да эг верит Ме тэныд, чужанін. А туйыс зонлӧн водзын, Кӧть висьтавны ог куж: Ӧд некор миян кодзув Ас водзвылын оз чуж. Но коді тӧдліс радлун Да шоглысь сӧстӧм дой, Оз сет и вына кадлы Пӧсь муслуныслысь войт.
Гижӧд
Лӧнь рытӧ ӧтнас сьылӧ
Жанр: 

lkejrlkelkrgner klrjnelknfrkl ekjnrjkenfrej

1