ТУЛЫС КУЧКИС ЗАРНИ БОРДНАС
Тулыс кучкис зарни борднас Менам сьӧлӧм кузя: Гашкӧ, шондіалӧм борйын, Чайтіс, лӧня узя. Ун эз пырав восьса синмӧ, Ме бердын эз виччысь, — Мыйкӧ лов пыдӧсӧдз инмис, Сыкӧд ӧтвыв йитчис. Кывзі, кыдзи зарни кӧйдыс Бӧрӧздаяс костысь Мирнӧй шонді улын ӧдйӧ Петасъясӧн воссис; Кыдзи льӧм пу нежнӧй корнас Ньӧжйӧникӧн вӧрис, Муса нывкӧд паськыд борйын Вашкӧдчис том гӧрысь. Коді тӧдӧ, кыдзи шудӧн Мортлӧн сьӧлӧм пузьӧ? Мича дзоридзьяскӧд лудын Окасьлім ми гусьӧн. Тулыс кучкис зарни борднас Менам сьӧлӧм кузя: Сылысь мичлунсӧ пыр ордын Видзны ӧні кужа!
Гижӧд
Тулыс кучкис зарни борднас
Жанр: 

lkejrlkelkrgner klrjnelknfrkl ekjnrjkenfrej

1