ДРУЖБА
Мед колис нин томлунным ылӧ, Кыдз визувтӧ-котӧртӧ шор, Но асланым важ сьыланкылӧн Ми ставсӧ дзик казьтыштам, ёрт; Кыдз быдторйӧн шӧрипӧв юксим, Эг дзеблывлӧй радлун да шог, И ӧтиӧс радейтны гусьӧн Ми видзлывлім сьӧлӧмын мог. И сэк, кор рӧднӧй стороналань Враг виччысьтӧг пӧльыштіс би, Ог вунӧдӧй, ӧтувъя ярлун Кыдз нуим атакаӧ ми. Дзик некор нин кильчӧ пос дінӧ Веж турунӧн ордым оз бурд, И миян бур дружбаысь нинӧм Став му вылын ёнджык оз сюр.
1