ВОЛГО-ДОН
Сэн, кыт тӧвзисны коркӧ жер голяа танкъяс, Суховейяс кӧн сотісны пӧимӧдз му, — Мелі гыясӧн окавлӧ помтӧм пространство Паськыд степь вылын чужӧм брильянтӧвӧй ю. Тайӧ мортлӧн творенье... Мый мӧвпаліс нэмъяс Аслас шуд вылӧ миян великӧй народ, Пӧртіс олӧмӧ ӧні, кыдз индыліс Ленин, — Йитіс век кежлӧ кык чойӧс — Волга и Дон. Аддзис ачыс строитель, кор пуктіс каналӧ, Сылӧн шлюзъяслӧн телӧӧ медбӧръя из, Кыдзи дзирдыштіс садъясын шондіа асыв — Югыд эралӧн некор на аддзывтӧм мич. Сэн, кӧн вашкӧдӧ Дон муса чойыслы шудлун, Теплоход выль причал дорсянь сетӧ гудок, — Быттьӧ сӧмын на помаліс будничнӧй уджсӧ, — Сувтіс джуджыд гранит вылӧ зодчий да вождь. Сійӧ видзӧдӧ водзӧ, выль аския лунӧ... Кывтӧ сы бердті ва, мыськӧ еджыд гранит. Первенец коммунизмлӧн став нэмъяс пыр нуас Созидательнӧй эралысь куслытӧм мич!
Гижӧд
Волго-Дон
Жанр: 

lkejrlkelkrgner klrjnelknfrkl ekjnrjkenfrej

1