СЕЙДА
Важӧн овліс красавица Сейда, Сылӧн вӧлі лӧнь войвылын горт. Ӧти асылӧ помасьтӧм эрдысь Нылӧс гусяліс мудер Ягморт. Чужан стойбище дедъяслысь кольны Мустӧм морт вӧсна эз кӧсйы ныв, Но Урал сайын олысь Войпельыс Нора бӧрдӧмсӧ сылысь эз кыв. Лёк рӧзбойниклысь жальлун да милӧсть Пӧрысь ненецлӧн Сейда эз кор: Кӧдзыд гыясӧн сывъяліс нылӧс Визув ю — сылӧн томдырся ёрт... Ме ог тӧд, кӧні мойдыслӧн помыс, Миян туйысь на ыджыд да кузь: Некод меным эз висьтав, мый воим, Сейда нима кор тыдовтчис ю. Эз ӧд Ягморт, а ненецлӧн пиыс Восьтіс поездлы виж семафор, Аслас зэв уна югӧръяс-биӧн Тӧдтӧм станция мыччысис кор. Быттьӧ ачыс красавица Сейда Оліс миян выль кадъясӧ век: Лӧз берета кондуктор лӧз эрдын Корис меліа менсьым билет. Шуда синъясысь зэв ыджыд радлун Медводз вевъялі казявны ме, Полустанокса гӧлиник садйысь Ӧдйӧ чукӧрті сылы букет; Но эг смелмӧдчы нюжӧдны киӧс... Мыйӧн ме уна мукӧдысь бур? Ӧд став войвылын некод на сійӧс Аслас славаӧн венысь эз сюр. Ачыс кадыс кӧ сьыланкыв чужтӧ, — Сиа ме тшӧтш выль Сейдалы стих. Кутас мынтыны йӧзлы важ уджйӧз Восьса юра Ураллӧн быд пик!
Гижӧд
Сейда
Жанр: 

lkejrlkelkrgner klrjnelknfrkl ekjnrjkenfrej

1