КЫК БЕРЕГ
Эм Кавказскӧй хребет сайын неыджыд сикт, Пограничнӧй заставаӧн юкӧм Сарпи. Чужан му вывті ветлігӧн удайтчис мен Кык судьба тайӧ сиктыслысь тӧдмавны сэн; Кык судьба — ыджыд радлун да помасьтӧм шог, Кодӧс ас вылас нуны оз вермы Чорох — Лӧнь скалаяслысь повзьӧдлысь палявтӧм ун Да турецкӧй невӧляӧ веськалӧм ю. Ӧти берегын дзордзалӧ миян том шуд, Тэчӧ сьыланкыв сы йылысь пӧрысь ашуг; Тэчӧ сы йылысь пыр ассьыс медмича мойд, Кыдзи вешйис Чорох сайӧ сап пемыд вой. Дзор ашугыскӧд ӧтвылысь радуйтчим ми; Зарни биясӧн дзирдалӧ миян Сарпи, Русскӧй гудӧккӧд орччӧн сэн ворсӧ зурна, Том любовь йылысь вашкӧ маслинӧвӧй сад. Мӧдар берегын... Висьтавны сы йылысь мый? Ӧти сакляын сотчӧ тай няйт чери вый... Тайӧ — мулла, жандарм либӧ сэтчӧс кулак Дзузган би дорын тэрмасьӧ-лыддьӧ ясак ^налог, подать, кодӧс босьтӧны крестьяналысь/^. Сьӧд нуждаыс кодь властвуйтӧ сэні закон: Пемыд ывлаын лӧвтӧ кӧзяинтӧм пон... Вашингтонса верзилӧкӧд сэтчӧс фашист Йӧзлӧн вирыскӧд ӧтлаын ньылалӧ джин. Но Чорох сайын ӧшӧдчӧм сап пемыд вой Кельыд тӧлыся флаг улын воштіс спокой: Выль Сарпи весьтын дзирдалысь правдалӧн свет И жандармлы, и узниклы шойччӧг оз сет. Войся пемыд пыр дзоргӧны уна сё син Сійӧ му вылӧ, ветлам кӧн вӧльнӧя ми. Тӧдӧ сы йылысь ачыс блед чужӧма вок, Мый не век сылы кыскыны сьӧлӧмас шог... Сувтысь кыалӧн югдӧдас-ловзьӧдас би Тэнӧ, рабствоӧ вузалӧм, шудтӧм Сарпи!
Гижӧд
Кык берег
Жанр: 

lkejrlkelkrgner klrjnelknfrkl ekjnrjkenfrej

1