САЛЕХАРДЫН
Салехард ^Обь ю дорын кар, манси кыв вылын — нырд вылын кар/^ — ыджыд нырд вылын кар, Лабытнангисянь кызь куим верст, Мыйла тэрмасьны, ненец кор рад Чумлысь ӧдзӧссӧ восьтыны мен. Пыра гортӧ моз смела... А тан Дона гӧстьясыс тырмымӧн эм, Сӧмын места эз аддзы шаман Да кынь гусявлысь лёк Алитет. Ӧти шуӧ: — Ме — вӧвлӧм вогул, Некор ассьым бур нимӧс эг тӧд. Ӧні ыджыд семьяын бур друг Лои мансиыс мукӧдкӧд тшӧтш. Шуӧ мӧд: — Самоедлысь лёк ним Ненец кыскаліс уна сё во, Кытчӧдз югыд Октябрнымлӧн би Пемыд войтырлысь синъяс эз восьт. — Менӧ шулісны няйтӧсь остяк, — Содтіс сёрниӧ пӧрысь ханты. — Ӧні Обь бердса тундра и яг Шуда войтырлӧн радлунӧн тыр. Чӧла овны ме ачым эг куж, Эжва берегын быдмӧм поэт: — Мыйӧн вӧлі зырянинлӧн шуд, Дона вокъясӧй, торъялӧ сэк? Войбыд пестіс кӧзяинным би, Киссис помасьтӧм сёрнилӧн шор. Асъядорыс кузь туй йылысь висьт Вайис миянлы меддона ёрт; Сійӧ вуджис Полярнӧй Урал, Вайис Рӧдина-мамлысь привет. Быттьӧ ачыс рӧдимӧй Москва Кутліс топыда ставнымӧс сэк. Эзысь кыаӧн дзирдаліс Обь, Салехард сайын кыпӧдчис лун. Быттьӧ первойысь вит муса вок Тасянь аддзисны ассьыныс му!
Гижӧд
Салехардын
Жанр: 

lkejrlkelkrgner klrjnelknfrkl ekjnrjkenfrej

1