ТУНДРАЫН
Эз, эз мойд и эз легенда — Выльӧн чужӧм висьт — Передайтіс туйын меным Тӧдса машинист. Хановейсянь асыввылын, Кӧні пыр на тӧв, Паровоз зэв лэчыд шыӧн Торкис вӧвлӧм чӧв. Дзор Ураллань кӧрт туй водіс, Сывъяліс лӧнь эрд, Кӧть и таӧдз весиг подӧн Морт эз вуджлы сэт; Кӧні кынькӧд чизыр вой тӧв Юкис ассьыс шуд, Кынмӧм турипувлӧн войтысь Нинӧм дзик оз чуж. Ылыс стойбищеӧдз кыліс Аслыссяма шум... Аддзысисны лӧнь эрд вылын Паровоз да чум. Чудо вылӧ моз жӧ дзоргис Том оленевод, Кыдзи кӧрт вӧв сылысь ордйӧ Разйысь вӧчӧм додь. То ли завидь, то ли томлун Ышмӧдіс сэк лов Сылысь, коді ӧткӧн овны Тундраын эз пов. Харей помӧн кучкис кӧрлы Чумын олысь морт, Быттьӧ сьӧлӧм пытшкас скӧрлун Ӧзтіс ёсь гудок; Ставыс еджыд бусын суніс — Небеса и му. Кельыд тӧлысь вывсянь туніс Тэрыб кӧрлы шуд. Пӧртмасьысь сиянье улын Живгис бушков-тӧв: Кӧра нюръяс вомӧн муніс, Кыдзи лэбзьӧ ньӧв. Татшӧм тэрыбасӧ мунӧм Морт оз помнит, оз... Но лӧз эрд вылын жӧ суис Сійӧс паровоз. Уна сёрни кывлан туйын, Но ог вунӧд нэм, Машинист кыдз гусьӧн шуис: — Тайӧ вӧлі... ме!
Гижӧд
Тундраын
Жанр: 

lkejrlkelkrgner klrjnelknfrkl ekjnrjkenfrej

1