ВЫЛЬ АФОНЫН ЗЭР
Кык тӧлысь зэр эз усьлы войт, Эз петав кымӧр чир, Самшитлӧн косьмис чалльӧсь сой Да кельдіс том инжир. Но ӧти войӧ ылыс тӧв Друг вуджис ыджыд эрд Да кисьтіс помся куимпӧв Благословеннӧй зэр. Мӧд асыв ӧшиньӧ инжир Мен кучкис: — Садьмы, гӧсть, Колхида му вылын быд из Со мыськӧ ассьыс пӧсь. Ме вуджи став сӧветскӧй край, Но эг, эг аддзы пом... Быд пельӧс — сьӧлӧмлы выль рай, А медбур — Выль Афон! Самшитлысь ловзьӧдіс кос сой Пӧсь гожся войлӧн зэр, Тшӧтш быттьӧ сылӧн югыд войт Душаӧдз йиджис мен; И вӧлі кӧ сэн няйтлӧн чут Да туйын пуксьӧм бус, То ставсӧ нуис эзысь ю, А колис меным шуд.
Гижӧд
Выль Афонын зэр
Жанр: 

lkejrlkelkrgner klrjnelknfrkl ekjnrjkenfrej

1